Piwulang 5 M (Ma) limo.

1. Mlumah

2. Murep

3. Mancep

4. Mlebu

5. Metu.

Tegese :

1.        MLUMAH...yen wong wedok tangane wis mlumah wong lanang kudu ikhlas aweh nafkah pinongko kwajiban.

2.       MUREP...wong lanang kudu iso ngrungkepi/nglindhungi keluargo sing dadi kwajibane.

3.       MANCEP...atine kudu tumanceb wis ora oleh tolah toleh bojone wong.

4.       MLEBU...iso o ngrogoh isi ati ne bojo..tegese saling pangerten.

5.       METU...ojo gampang ndudohne wadine kluargo.....

M (Ma) limo:

1. Madhep.

2. Mantep.

3. Mangan.

4. Melu.

5. Morotuwo.

M (Ma) lima.

1. Morotuwo.

2. Macem,

3. Macem.

4. Mantu.

5. Minggat.

MA LIMA

1.     MLUMAH

2.     MURÊP

3.     MODOT

4.     MLÊBU

5.     MÊTU

1.    MLUMAH... wong jêjodhohan kudu padha sêméléh rasane, baléwisma kêdah kinanti lan linambaran rasa trêsna asih saha pasrah sumarah ing Pangéran

2.    MURÊP... atêgês bisa mêndhêm wadi kang dumadi sajroning kulawarga, sing kakung bisa nyimpên wadhiné ingkang putri,  mangkana lan kosokbaléné

3.    MODOT... salakirabi kudu migunakake nalar murih bisané mulur, ngrakit ing panggalih, mbudidaya mungguh kepriye bisane cukup sandhang tedha lan pangupa jiwa.

4.    MLÊBU... ngêmu têgês, yen ana godha pangrencana kedah rinêmbug ing sajroning kulawarga luwih dhisik, aja nganti kaweruhan ing liyan 

5.    METU... bisane tambah sêsêrêpan lan pangêrten, kanggo ningkatake kawruh lahir batin, njajah désa milang kori, satêmah nuwuhake rasa yén jagad iki amba.

Cukop sak mene dhisik coretane Mbah Dharmo.

Santi..... Rahayu......

WOLAK-WALIK ING JAMAN

WOLAK-WALIK ING JAMAN

Sing penting di anggep ora penting, 

Sing ora penting di penting-pentingno
Sing apik di elek-elek, 

Sing elek di apik-apik no
Sing bener di salahno,

sing salah di bener-bener no
Sing jane tontonan di anggep tuntunan, 

Sing mesthine tuntunan malah dadi tontonan.

Ora ono manungso sing sempurno
Ora ono manungso sing ora nduwe duso
Mulo podho enggal-enggal tobatto
Mumpung durung di timbali marang sing KUWOSO.

Jamane jaman edan,

akeh menungso podho lali karo pengeran
Ngaku agamane Islam tapi ra gelem sembahyang
Hobine maksiat sak ndalan-dalan
Nyambut gawe podho sungkan, 

bandhane tanggane malah di gawe rayahan.

Jamane-jaman maju,

akeh wong wadon podho kemayu,
Lek bengi podho metu ngguya-guyu, 

mung trimo mamerne pupu
Turut ngisor waru jebulle mung payu sewu.

Jamane-jaman globalisasi, 

akeh uwong wis lali karo dzat kang moho suci
Akeh santri sing podho ra gelem ngaji, 

ugo akeh kyai sing lali karo santri
Malah melu-melu rebutan kursi.

Manungso kuwi di titah podho, 

nanging lek masalah bondho di jatah bedo
Mulo manungso iku wajibpe mung usaha karo ndungo
Entuk rezeki sepiro atine seng nrimo, 

ra usah meri karo konco (sak podho-podho).

Akeh wong setres mergo urippe gak beres
Rino wengi mung mburu donyo, njur lali karo agomo

Ojo podho ngersulo ndhak gelis tuwo
Wong yen nrimo urippe dowo
Wong sing sabar rejekine jembar
Wong yen ngalah urippe bakal barokah
Sopo sing jujur urippe makmur
Wong suloyo urippe rekoso
Wong sing sombong amale kobong
Sopo sing tlaten tembe mburi bakal panen

Akeh wong ngaku islam agamane, 

tapi tumindak e sak karepe dhewe,
Jamane wis Jaman tuwo, 

akeh manungso wis angel di toto maring tuntunane agomo
Senengane malah podho gawe duso
Tumindak duso sak bendino podho ra kroso.

Sithik-sithik ra ketoro suwi-suwi dadi cetho,
Koyo wong tumindak duso di lakoni sak bendino,
Duso lantaran omongan, 

lantaran kuping lan tangan,
Kadhang-kadhang ora kroso mergo pancen wis kulino

Sing ati-ati kelawan waspodho
menowo siro ngobrol karo konco
Ngrasani tonggo ngojah alane liyo
Kadhang ra rumongso awak e gawe duso

Ayo mumpung durung telat, 

enggal-enggal podho tobat
timbang ning akhirat siro mbesok nompo adzab
Mung duso sepele kang ora di rasak ke
Nanging gedhe akibate marang awak e dewe

Mumpung isih urip ngibadaho kanthi tertip
ngelingono yen wis mati ora bakal iso bali

Mumpung isih waras ibadaho kanthi iklas
Ngelingono yen wis loro ora biso opo-opo

Mumpung isih longgar ibadaho kandi sabar
Ngelingono yen wis repot ibadah rasane abot

Mumpung isih sugih bondho dadio wong seng lumo
Ngelingono yen wis mlarat rino wengi mung sambat

Lek wis sugih koq ora kelingan bondho iku mung titipan
Mbok yo eling karo sanak kadang yen wis sugih ojo mung nyawang
Tulungono wong sing kekurangan sandhang ugo kurang pangan

Sugih bondho mung sak wetoro mbesok yen mati ora bakal di gowo
wong sing lumo iklas amale,ngono iku bakal akeh ganjarane
Sugihe ojo mung kangge dhewe sing mlarat mbok di gatek ke

Dulur-Dulur Muslimin Muslimat, 

Ayo Podho golek Sangu Akhirat
Sak Durunge Ketekan Sekarat, 

Ana Ing Kubur Bakal Ditarap, 

Bakal Ditakoni Karo Malaikat, 

Amal Kito Ora Ana Sing Kliwat
Ayo Podho Ngelakoni Sholat, 

Rina Wengi Mumpung Sik Sempat,
Zaman Sak Iki Wis Cedhek Kiamat, 

Akeh Wong Seneng Ngelakoni Maksiyat,
Ninggalno Sholat Lan Emoh Mbayar Zakat, 

Wis Kadhung Kroso Nikmat Lali Akhirat.

Dulur-Dulur Ayo Podho Sregep Ngaji
Sak Durunge Ketekan Pati
Tinimbang Getun Ono Ing Dino Mburi
Urip ono Ndunyo Ora Bisa Dibaleni

Konco-Konco Sing Sik Seneng mendem-mendeman
Dulur-Dulurku Sing Seneng Togelan
Ayo Podho Dicegah Gak Terus-Terusan
Sebab Mendem Koyo Wong Edan, 

Seneng Togelan Ngrusak Masa Depan
Seneng Tombokan Gak Iso Dadi Jutawan
Sing Akeh Mari Oleh Tambah Jorjoran
Wong Main Ngono Direwangi Syetan, 

Dijak Seneng Gawe Konco Langganan

Konco Nom-Noman Sing Sregep Nyelengi,
Yen Wis Akeh Duite Digawe Rabi
Calon Bojone Yo Iso Nyenengi, 

Morotuwane Yo Melok mbungahi
Sregep Tangi Ing Tengah Wengi

Dulur-Dulur Ayo Podho Sadhar,
Sak Durunge Ketekan Modar
Tinimbang Getun Gak Kenek Dibayar
Urip Ndhik Ndunyo Iku Mung Sak Gebyar

Mumpung durong podho buyar.

Cukop sakmene dhisik mergo ora ono sing mbayar :)